Plantun de Prouvènço

Pèr coumpara dos planto d'encò nostre

Carex davalliana & Ranunculus revelierei

Queirello(-de-Davall)

Carex davalliana

Cyperaceae

Àutri noum : Moutouso, Sagneto.

Nom en français : Laîche de Davall.

Descripcioun :
La queirello-de-Davall trachis en mato dins li palun de mountagno sus cauquié. Es uno meno subretout diouïco (emé li flour masclo e femello sus de pèd diferènt). Lis espigo femello se recounèisson eisadamen emé sis espigueto à l'ourizountalo e acabado emé un long bè. Li masclo soun mai prim (2 mm de larg). Fai uno souco gazounanto d'ounte parton li cambo en triangle. Quàuqui planto soun mounouïco.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 30(50) cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 15 à 20 mm
Flourido : Estiéu

Sòu : Ca
Autour basso e auto : Pancaro entresigna
Aparado : Noun
Juliet à avoust

Liò : Bas-palun - Palun
Estànci : Mountagnard à Aupen
Couroulougi : Éuropo-Cèntre
Ref. sc. : Carex davalliana Tausch, 1800

Ranouncle(-de-Revelière)

Ranunculus revelierei

Ranunculaceae

Nom en français : Renoncule de Revelière.

Descripcioun :
Aquéu ranouncle, planto de l'an, trachis dins li mueio tempouràri en Prouvènço séusouso. Es uno planto raro e amenaçado qu'èi proutegido. Se destrìo de sa cousino (Ranunculus ophioglossifolius) que si petalo soun mai courto que li sepalo (fotò) e peréu que si fueio basalo soun pas en cor.

Usanço :
Tóuti li ranouncle caupon de proutouanemounino, empouisounanto. Se counèis pas d'usanço particuliero.

Port : Erbo
Taio : 5 à 30 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Ranunculus
Famiho : Ranunculaceae

Ordre : Ranunculales

Coulour de la flour : Jauno
Petalo : 5
Ø (o loungour) flour : 2,5 à 3 mm
Flourido : Printèms

Sòu : Si
Autour basso e auto : Pancaro entresigna
Aparado : Vo
Remarco : Endemico Prouvènço-Corso-Sardègno
Abriéu à mai

Liò : Mueio - Terraire safrous
Estànci : Mesoumediterran
Couroulougi : Estenoumediterrano-Nord-Ouèst
Ref. sc. : Ranunculus revelierei Boreau, 1857

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Carex davalliana & Ranunculus revelierei

ges

Coumpara Queirello(-de-Davall) emé uno autro planto

Coumpara Ranouncle(-de-Revelière) emé uno autro planto